Поради пандемијата на корона вирусот, роденденот на британската кралица Елизабета Втора се одбележа поскромно од вообичаено.
Наместо грандиозна воена парада во центарот на Лондон, која вообичаено привлекува илјадници туристи, оваа година почест на кралицата и оддаде мала група војници и воен оркестар, придржувајќи се кон мерките за физичко дистанцирање.
По салутирањето на кралицата, на имотот во замокот Виндзор се одржи воен егзерцир.
? highlights from today’s Official Birthday ceremony.
? Footage courtesy of the BBC. pic.twitter.com/NKCqB5fIMn
— The Royal Family (@RoyalFamily) June 13, 2020
Иако роденденот на 94-годишната кралица беше на 21 април, нејзиниот „службен“ роденден традиционално се одбележува во јуни со воена парада која годинава беше откажана, што е втор таков случај за речиси 70 години од нејзиното владеење. Тоа првпат се случило во 1955 година поради штрајкот на националната железница.
