Времето во Македонија ќе биде променливо облачно и ветровито на места со услови за појава на краткотраен дожд. Ќе продолжи да дува повремено силен северен ветер (над 70 км/час) особено изразен во поширокото Повардарие и на истокот.
Утринската температура се движи од 3 до 11, а дневната ќе достигне од 13 до 21 степени Целзиусови.
Во Скопје ќе биде променливо облачно со сончеви периоди и со услови за појава на краткотраен дожд. Ќе дува умерен до повремено засилен северен ветер. Утринската температура се спушти до 6, а дневната ќе достигне до 20 степени Целзиусови.
Според Управата за хидрометеролошки работи, во следните денови времето ќе биде постабилно освен во среда кога ќе има појава на умерен до повремено пороен дожд и услови за грмежи. Тогаш поради студен воздушен бран температурите ќе се спуштат, но утринските ќе останат над нулата. Во деновите потоа дневните температури ќе бидат во постепен пораст.
