Времето денеска ќе биде умерено облачно и топло. Ќе дува слаб до умерен ветер од југоисточен правец, поизразен вдолж Повардарието.
Во попладневните часови ќе биде нестабилно со локална појава на пороен дожд, грмежи и услови за изолирана појава на град. Максималните температури ќе достигнат од 26 до 31 степен Целзиусов. УВ индексот ќе биде 7.
Во Скопје, умерено облачно и топло. Ќе дува слаб до умерен ветер од јужен правец. Во попладневните часови ќе има услови за нестабилност со пороен дожд и појава на грмежи. Максималната температура ќе достигне до 30 степени Целзиусови.
Значителна промена на времето ќе има во среда, кога ќе биде променливо облачно и нестабилно на повеќе места со пороен дожд, грмежи и засилен ветер. Локално ќе има услови за изолирана појава на град. Облачно, посвежо и ветровито со повремени врнежи од дожд ќе биде во четврток. Од петок ќе има стабилизирање на времето.
