Сопственикот на „Луј Витон“-LVMH, ќе ги искористи производствените линии за парфеми за да започне да произведува дезинфекциони средства за раце за заштита на луѓето од корона вирусот, јавува Би-Би-Си.
Производителот на луксузни стоки изјави дека сака да помогне во решавање на проблемот со недостиг на антивирусни производи во Франција на национално ниво.
-Тие гелови ќе им бидат бесплатно доставени на здравствените власти, објави LVMH.
Во Франција досега од корона вирусот починаа повеќе од 120 лица.
-LVMH од денеска ќе ги користи производствените линии на своите парфемски и козметички брендови за да произведува големи количевства хидроалкохолни гелови, се вели во соопштението на компанијата.
Фабриките обично произведуваат парфеми и шминки за луксузни марки како „Кристијан Диор“ и „Живанши“.
