Поради епидемијата на коронавирус, словенечките пиварници имаат на пазарот најмалку 100.000 литри пиво, на кое му истече рокот на траење.
Ова го објави Здружението на словенечки пивари и ја повика владата за итна помош. Станува збор за пиво во буриња кое било наменето за угостителскиот сектор и не се продава на потрошувачи.
Пиварите предлагаат ослободување од акцизите и надоместок за уништување на оваа стока, пренесува SEEbiz.
Како што истакнаа од Здружението, подготовката на пиво е една од најзагрозените индустрии во земјата, а сегашната државна помош не е доволна за опстанок, особено на помалите пиварници.
Меѓу другото, тие предлагаат укинување на акцизите за алкохолот во 2021 година, како и отплата на заостанатите побарувања од угостителскиот сектор, компензација за истечените производи бидејќи секторот за угостителство и туризам е затворен и компензација за фиксни трошоци за работење.
