Инстаграм профилот на Министерството за внатрешни работи стана предмет на потсмев на друштвените мрежи откако беше споделена фотографија од профилот кој има 4 илјади следачи, а следи само двајца на оваа социјална мрежа.
Ништо невообичаено, но доколку се погледне може да се забележи дека двата профили кои Инстаграмот на МВР ги следи е актуелниот технички премиер и поранешен прв човек во министерството, Оливер Спасовски, додека вториот е профил на фотографии од полуголи девојки.
Алал да му е на тој што го води инстаграм профилот на МВР. ??? pic.twitter.com/XTq2B9xMzE
— DonDDiablo (@MKDDiablo) January 20, 2020
Иако инстаграм профилот на МВР не е верифициран, а според информациите на официјалниот сајт на МВР стои дека немаат официјален профил на твитер и инстаграм, профилот е доста активен со преку 169 фотографии од македонската полиција, активности на министрите, полициски акции.
