Две возрасни лица со две малолетни деца во првиот и три возрасни лица во вториот автомобил се поведени доцна попладнево во сообраќајна незгода што се случила на регионалниот пат Чашка – село Голозинци, пренесува сајтот Дума.
Итната медицинска помош на Здравен дом Велес интервенирала со две медицински екипи. Според д-р Васе Пановска Поп Стефанова, началник на Итна помош, на повредените им е укажана прва помош и се пренесени во Општа болница Велес.
– Повредените деца А.М и Љ.М се на возраст помеѓу три и четири години. Тие имале повреди и отворени рани на главата но се со стабилни параметри. Повредените деца и возрасни во сообраќајната незгода се транспортирани на Хирушки амбуланти на Општа болница Велес, додаде д-р Пановска Поп Стефанова.
– По укажана лекарска помош двете малолетни деца во моментов се транспортираат кон Ургентниот центар во Скопје, информираше д-р Весна Николовска Неделкова портпарол на Општа болница Велес.
Уште едно дете е задржано на лекување во велешка болница. Вечерва.под опсервација на специјалистите по хирушки болести ќе бидат и сите возрасни повредени лица. Меѓу нив има и бремена жена. Засега нивната здравствена состојба е стабилна.
