Шеснаесет мигранти од кои две деца биле пронајдени при полициска контрола на автопатот Куманово – премин Табановце, во раните утрински часови на 13 септември.
Како што информираат од МВР, полициски службеници дале знак за запирање на два автомобила – „порше“ и „ауди А8“, но возилата не застанале.
Сепак, набргу потоа „поршето“ сопрело и при негова проверка биле пронајдени 16 мигранти, од кои петмина од Пакистан, шест од Еритреја и пет од Непал, сите без документи за идентификација.
Мигрантите и автомобилот биле предадени во СВР Куманово за понатамошна постапка и се преземаат мерки за расчистување на случајот.
