Хроника 16. May 2019. / 14:22

Полицијата ја пронајде мајката која го остави бебето во парк во Топанско – еве што изјавила

Полицијата ја пронајде мајката која го остави бебето во парк во Топанско –  еве што изјавила

Полицијата ја пронашла мајката која го остави своето новороденчето во парк до скопската населба Топанско Поле. Таа е малолетна и дала изјава дека не е во можност да се грижи за бебето, а тоа нема друг родител. Во присуство на нејзината мајка која и е законски старател, девојчето било однесено на лекар, објавува Слободен Печат.

Малолетната мајка даде изјава дека не е во можност да се грижи за своето дете поради што, откако ќе се стабилизира неговата здравствена состојба, тоа ќе биде префрлено во згрижувачко семејство. Мајката има рок од три месеци да се предомисли, а ако тоа не се случи, бебето ќе биде дадено на посвојување – вели Наташа Станојевиќ, директорка на Центарот за социјални работи во Скопје.

Дали мајката ќе одговара затоа што детето го оставила во паркот веднаш по породувањето, ќе треба да се изјасни полицијата.

Бебето пред два дена беше пронајдено во парк во Топанско Поле од случаен минувач. Потоа беше пренесено на Клиниката за детски болести каде му е дадена неопходната медицинска грижа и тоа е во добра општа состојба.