Полициски инспектори од одделот за борба против организиран криминал и корупција на МВР претпладнево вршат претреси во веледрогеријата „Пановски“, објави телевизија „Телма“.
Истрагата која е во надлежност на Обвинителството за гонење на организиран криминал е насочена кон паралелниот увоз на лекови. Покрај веледрогеријата „Пановски“ со истрагата се опфатени и други веледрогерии увозници на лекови.
Истражните органи ги проверуваат сомнежите дали се увезувани фалсификувани лекови кои се дистрибуирале во јавното здравство. Се проверува документација за увоз на лекови пред се од Турција, дознава „Телма“.
Обвинителката Вилма Русковска за „Фокус” појаснува дека не се врши претрес, туку се одзема документација.
-Се постапува по наредба на обвинителството, но не се врши претрес, туку се одзема документација, изјави обвинителката Русковска.
