Министерството за внатрешни работи ги бара тепачите од видеото од социјалната мрежа „Тикток“ кое вчера го објави ТВ Сител, а на кое се сугерира напад случен во Македонија на група од барем три лица врз едно момче. Полицијата не открива многу детали.
„Министерството за внатрешни работи постапува за расчистување на случајот и по расчистувањето ќе ја известиме јавноста“ кратко изјавија од таму.
Случајот предизвика бројни реакции и затоа што на краткото видео објавено на социјалната мрежа „Тикток“ со знамиња е „обележана“ ентичката припадност на напаѓачите (албанско знаме) и нападнатиот (македонско знаме).
Не е јасно точно каде се случил овој напад.
