Ивица Коневски, еден од предводниците на иницијативата за вонреден конгрес во ВМРО-ДПМНЕ е последниот човек со кој се сретнал Сашо Мијалков пред да стане недостапен за органите на прогонот.
Озлогласениот поранешен директор на УБК Сашо Мијалков од вечерва е во бегство а полицијата трага по него по мерката куќен притвор која му беше одредена од судот.
Екипата на ТВ21 детектирала каде тој последно е виден во јавноста. Тие тврдат дека бил забележан околу 14:00 часот во ресторанот Дистрикт кој е во склоп на хотелот Мериот кој е во сопственост на синот на Мијалков.
-Седеше на првата маса од влезот кој се наоѓа од страна на Плоштадот Македонија. Надвор од објектот и внатре имаше неколку лица кои го обезбедуваа. – објави ТВ 21.
Редакцијата на медиумот открива и дека Ивица Коневски, поранешниот градоначалник на Аеродром а сега иницијатор на наводниот вонреден конгрес во ВМРО-ДПМНЕ е последниот човек со кој се сретнал Мијалков.
-На маса беше заедно со Ивица Коневски, разговараа околу половина час. А потоа, Коневски си замина, а по извесен период и Мијалков. Влезе во хотелот Мериот, за по 10-тина минути да го напушти хотелот. – објави медиумот.
Во саботата токму Коневски, поддржан од поранешни не толку високи функционери на ВМРО-ДПМНЕ беше предводник на прес конференцијата на која се објавија детали за вонредниот конгрес на партијата.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
