Бизнисменот Орце Камчев, кој лично ја примил судската покана да сведочи на денешното рочиште за „Тортура“ за апсењето на Љубе Бошкоски, не се појави во судницата.
– Сведокот Јордан Камчев е уредно повикан, а не го оправдал своето отсуство. Барам за следното рочиште да биде стражарно приведен. – рече обвинителот од СЈО Љубомир Лапе, пренесе СДК.МК.
Судијката Александра Ристеска нареди Камчев за наредното судење на 5 јули да биде приведен со полиција.
Од друга страна, новинарката Оливера Трајковска поканата да сведочи ѝ била оставена на врата, бидејќи не била дома. За неа судот ќе бара дополнителни податоци за адреса, татково име и друго.
Во овој предмет на СЈО, првообвинет е ексдиректорот на УБК Сашо Мијалков и шестмина алфи на чело со Ивица Анчевски-Пуки, за нечовечко постапување и изживување на Љубе Бошкоски во акцијата „Кампања“.
