Со хеликоптер на МВР извлечено е 15-годишно девојче од Селечка Планина кај Прилеп, објави Фактор.
Девојчето е префрлено во прилепската Градска болница. Оттаму констатирале дека нема повреди ниту на телото ниту на главата, туку измрзнатини кои со терапија ќе бидат санирани.
Според Сања Стаматова, портпарол на СВР Битола, изутрината во 7.44 часот од прилепската Противпожарна единица е пријавено дека на местото викано „Чуле“ на Селечка Планина, 15 -годишната малолетничка од Прилеп со иницијали М.Д. паднала и, евентуално може да има повреди.
