Вчера во Полициската станица Центар, 86- годишниот В.Р од Скопје пријавил дека на 13.07.2018 година околу 11,00 часот во Комплексот клиники “Мајка Тереза” од страна на непознато лице му била извршена измама при што бил оштетен за 18.000 денари.
„ Имено, сторителот откако дознал за што бил дојден пријавителот на клиниката, му кажал дека ќе треба да направи снимка на магнетна резонанца на Клиниката за радиологија и дека за истото било потребно да му даде 4.000 денари. Бидејќи оштетениот ја немал бараната сума во него отишле до банкомат каде сторителот со картичка на пријавителот извадил одредена сума, ги зел парите и му ја вратил картичката на оштетениот“ се вели во соопштение од полиција.
Откако се вратиле на Клиниката за радиологија сторителот му рекол на В.Р. да го чека, по што заминал и не се вратил.
Вчера пријавителот извадил извештај од банка и забележал дека на 13 јули од кредитната картичка во два наврати се подигнати вкупно 18.000 денари.
Се преземаат мерки за расчистување на случајот.
Поврзани вести
Сведоштво за голгота на скопските клиники: Филипче, дали треба пациентите во ходник да умираат?
Останати се уште 130 слободни болнички кревети – вкупно 824 пациенти се лекуваат во ковид-центрите
