Тетовските пожарникарите изгасија пожар во голем контејнер за отпадоци од суровини кои се користеле од фабриката „Леар“ во Технолошко-индустриската развојна зона.
Огнот бил забележан околу 15 часот, а целосно е ликвидиран за нешто повеќе од еден час. Нема повредени.
Тоа беше лесно запалив материјал, отпадоци од суровини кои се користеле во фабриката за производство како сунѓери и слично. Сметаме дека за брзо време е изгаснат пожарот и со тоа спречена поголема катастрофа со оглед дека контејнерот е на само три метри од фабриката, изјави Ука Алити, командант на тетовските пожарникари.
Во гасењето на пожарот интервенирале осум пожарникари со три противпожарни возила. Увид на местото започна да врши и СВР Тетово.
