За време на извршувањето на своите секојдневни активности за собирање и транспорт на комуналниот отпад, вработените во ЈП „Комунална хигиена“ денеска нашле шок бомба во скопската населба Ѓорче Петров.
ЈП „Комунална хигиена“ – Скопје апелира до граѓаните заедно со својот комунален отпад никогаш да не исфрлаат токсични, опасни или штетни материи, коишто можат сериозно да го загрозат здравјето на вработените во претпријатието коишто секојдневно се во контакт со отпадот при извршувањето на своите работни задачи.
