Пожар избувна попладнево во селото Љубин во општина Сарај. Од скопската Пожарна информираат дека гори сува трева и борова шума. Од таму додаваат дека екипи се на терен и дека се обидуваат да го спречат пожарот да се прошири до населбите и куќите.
Вкупно три противпожарни екипи во моментов интервенираат и се борат со пламените.
Од Пожарна апелираат до граѓаните да бидат внимателни на отворен простор.
