СДСМ и Васко Ковачески го носат АД ЕЛЕМ во пропаст – предупредува Ивица Томовски од ВМРО-ДПМНЕ.
Ккао што истакнува Томовски, Ковачески е на пат да го затвори ЕЛЕМ Турс, фирма ќерка на АД ЕЛЕМ која храни 200 семејства, со цел да овозможи 2 милионски бизниса на негови сопартијци.
– Доделувањето на тендерот вреден милиони е пред крај. ЕЛЕМ Турс ќе остане без работа, а 200 семејства без егзистенција.
Желбата на власта да се овозможи профит на поединци ќе го остави ЕЛЕМ Турс без работа. Доколку Ковачески се грижеше за имотот на претпријатието и неговите вработени, немаше да распишува тендер, а оброкот за вработените во РЕК Битола и Осломеј ќе ја вршеше ЕЛЕМ Турс, впрочем како и до сега.
Очигледно е дека на Ковачески не му е грижа за 200 вработени во ЕЛЕМ Турс – вели Томовски.
Поради сето ова, Томовски испраќа прашање до Ковачески дали ЕЛЕМ Турс останува без работа затоа што 2 милионскиот бизнис со храна во АД ЕЛЕМ треба да го земе фирма во сопственост на брат на висок функционер на СДСМ од Битола?
– Дали бизнисот на блиските до Ковачески е поважен од опстанокот на 200 семејства?
ВМРО-ДПМНЕ го следи процесот на раскрчмување на АД ЕЛЕМ и за тоа ќе има одговорност.
Оттука уште еднаш го повикуваме раководството на АД ЕЛЕМ да не го жртвува ЕЛЕМ Турс и да го поништи тендерот.
Никој не смее да се богати на грбот на работниците и граѓаните. Сите злоупотреби завршуваат на 12 април – истакнува Томовски.
