Врнежите од град синоќа предизвикаа и до сто проценти штети на лозјата, тутунот, пиперот и други земјоделски култури во демиркапиското село Корешница.
Невремето, проследено со врнежи од град и дожд од околу 25 литри на квадратен метар, траело 15 минути.
Претседателот на месната заедница Ѓорѓи Танев рече дека невремето направило штета не само кај лозјата, туку и на тутунот, пиперот и други земјоделски култури.
Општината Демир Капија веќе формирала комисија за проценка на штетите.
