Мицкоски: Заев пред речиси две години вети три капитални проекти, сега пак ги ветува

Лидерот на опозициската ВМРО-ДПМНЕ вели дека премиерот Зоран Заев шири лажни вести.

Речиси пред две години Зоран Заев вети дека почнуваат со градба три капитални проекти: Нов клинички центар, нов автопат Скопје – Блаце и градба на Чебрен и Галиште. СИТЕ ТРИ ЛАЖНИ ВЕСТИ.
Две години потоа епилогот е ваков: на местото каде требаше да има клинички центар зјае празна ливада, автопатот Скопје – Блаце е заглавен во бирократските лавиринти, а од Чебрен и Галиште сме далеку колку државава водена од Заев од ЕУ. Но, сето ова не е пречка Заев повторно да ги ветува овие проекти кои нели само што не почнале да се градат. Разликата е што поминаа две години во чиста лага, а Македонија тапка во место, напиша Мицкоски на Фејсбук.

Според него, сега е време за менување на власта.