Вицепремиерот за економски прашања, Фатмир Битиќи даде објаснувања за тоа како ќе се враќаат каматите на долговите на граѓаните, како една од мерките вклучени во 5-тиот економски пакет.
– Подготвени се законски измени. Граѓаните ќе бидат навремено информирани. Ќе имаат доволно време и уште еднаш појаснив дека тоа ќе трае 5 месеци. Граѓаните ќе бидат поканети индивидуално, според распоредот кога треба да одат во јавните претпријатија. Ова е направено пред сè, зпоради здравјето на граѓаните и тие мора да го почитуваат за да не создадат непотребен хаос пред институциите, рече Битиќи на денешната прес-конференција.
Тој појасни дека ќе се прават распореди за да не се загрози здравјето на граѓаните. Во меѓувреме, тој појасни за условите за отплата:
-Мора да постојат долгови постари од 3 месеци и граѓаните да имаат желба да ги подмират обврските во моментот на репрограмирање на долговите кон институциите. Зборуваме за долгови што се создадени до ноември 2020 година, рече Битиќи.
Во 5-тиот економски пакет е предвидена отплата на каматата за граѓаните кои имаат долгови кон јавните и општинските претпријатија.
