Министерката за финансии Нина Ангеловска во гостување на „ТВ24“ најави дека во Министерството почнале да подготвуваат ребалансот на Буџетот за 2020 година.
Како што соопшти Ангеловска, процесот е почнат и се чекало да дојде токму април за да се има повеќе информации.
Генерално во моментот е предизвик да се проба да се појде од што порелиситични проекции или претпоставки. При прекројувањето ги земаме предвид сегашните проекции што ги имаме направено – изјави министерката.
Ангеловска посочи дека буџетот е ликвиден за да ги извршува своите обврски и дека се тече нормално. Исплатени се субвенциите, повратот на ДДВ кој е 26 проценти повисок во однос на април лани, се исплаќаат плати, пензии, социјални помош.
Субвенциите на земјоделците ги исплативме конкретно за, тутунарите ги исплативме пред извесно време. Понатаму повартот на ДДВ ако го погледнеме 26 проценти е поголем споредено со минатогодишниот април. Значи ние вршиме и редовен поврат затоа што е важно ликвидна инекција за стопанството во овој случај и даваме предност при поврат на ДДВ на погодените сектори и индустрии. Плати, пензии, социјална помош, сите законски трансфери и исплати нормално течат. Добвиме една ликвидносна поддршка да рачеме во прав момент, заем од ММФ од 176 милиони евра. Имајќи предвид дека бевме конзервативни во планирање на ликвидносните потреби во април, сега сме во една ситуација каде ги сервисираме сите обврски, ги следиме сите потреби, но во исто време направивме значајно кратење на расходната страна. Пример ако ги погледнеме реализацијата на стоки и услуги во месец април е помало за 36 проценти во споредба со минатогодишниот месец април. Тоа покажува дека одлуките на Владата да се стопира раст на непродуктивни расходи даваат резултат – истакна министерката.
За донесениот Буџет за годинава, Ангеловска оценува дека не е направен преамбициозно.
Според неа, буџетскиот дефицит ќе зависи од тоа колку ќе биде падот на приходната страна, но оценува дека имаме капацитет за брзо да се вратиме на патеката на раст и дека имаме капацитет да го враќаме дефицитот.
Ангеловска посочи дека капиталните инвестиции се нешто што треба да се турка побрзо да се реализираат за да го амортизираат ударот.
За платите на администрацијата, министерката останува на ставот дека треба да бидат намалени, но вели дека одлуката ја носи Владата како колективен орган.
Како аргументи кон ставот дека треба да се скрати платата на администрацијата, Ангеловска ги наведе неодењето на работа, намалените трошоци поради неодењето на работа, намалената продуктивност, солидарност, криза.
Ангеловска потенцира дека во моментов не се размислува за промена на некои даноци.
