Дамјан Лиска од Хрватска, по неколку години, проговори за ужасот кој го доживеал додека се враќал дома со своите соученици од гиманзија.
– Беше летен топол ден, а јас тргнав дома со пријателите од гимназијата. Само што стигнавме до пругата почувствував силен удар. Возот тргна, а некој ја оставил вратата отворена, паднав и ме покоси – кажа тој за Јутарњи лист.
– Се случи во 2013. ме прегази воз, уште ја чувствувам таа болка. Беше ужасно, се онесвестив. Бев свесен додека 14 вагони поминуваа врз мене. Се присетувам дека Брзата помош веднаш дојде и само велеа ампутација во возилото – вели Дамјан.
Пршлените му ги местеле еден по еден, борбата била тешка, дури не верувале дека Дамјан ќе застане на нозе.
Сепак, едната нога му ја ампутирале, а борбата му почнала дури откако излегол од болница.
Потоа имал 20 операции.
Денес е среќен човек со сопруга и дете.
