Обвинителството во Њујорк денеска соопшти дека против поранешниот продуцент Харви Вајнстајн, кој е веќе обвинет за силување и сексуално злоупотребување на две жени, покренато е уште едно обвинение за злоупотребување на уште една жена.
Новото обвинение се однесува на „присилен сексуален чин“ од 2006 година и за тоа дело можно е да добие до десет години затвор, наведе обвинителството.
Досега не се познати повеќе детали.
Скандалот за сексуалното злоупотребување на некогашниот влијателен холивудски продуцент покрена бран на откритија на други слични афери во светот на шоу бизнисот.
