Инфаркт и мозочен удар се најчестите причини за смртност во Македонија.
Зад нив се малигните, респираторните заболувања и дијабетесот, покажуваат анализите на Институтот за јавно здравје.
Според експертите околу 60 проценти од смртните случаи во земјава се поради кардиоваскуларни болести.
За подобрување на здравјето експертите советуваат: откажување од пушењето, умерено консумирање алкохол, здрава исхрана и редовна физичка активност.
Докторите од Институтот за јавно здравје апелираат дека освен превенцијата многу е важно да се подобри и социјалната заштита, како подобрување на стандардот на граѓаните и екологијата. Загаденоста на воздухот е голем причинител за овие заболувања.
