Од сабота се очекува драстичен пад на дневните температури во земјава. Според податоците од УХМР, дождливото време ќе се задржи и за време на викендов и во текот на следната недела, кога се очекува дневните температури да паднат и до 18 степени Целзиусови.
Извор: УХМР
Според најавите на метеоролозите, до петок во попладневните часови ќе има појава на локална нестабилност проследена со пороен дожд, грмежи и засилување на ветерот. Во петок кон крајот на денот ќе почне да дува засилен северозападен ветер кој ќе продолжи и во сабота и ќе услови значително опаѓање на температурата во наредните денови.
За време на викендот ќе има локален дожд, но без грмежи, а од понеделник се очекува пооблачно време со пообилни врнежи од дожд.
