Бројот на новозаразени од корoна вирусот во Јапонија забразнао се зголемува и земјата се наоѓа на прагот од прогласување вонредна состојба, изјави шефот на кабинет на премиерот Јошиде Суга.
Иако во Јапонија има околу 2.200 заболени, а починаа 66 лица, што е многу помалку отколку во другите делови на светот, земјата бележи зголемување на новите инфекции. Така, во Токио само вчера имало регистрирано нови 76 случаи.
– Јапонската Влада ќе направи се што треба да ги минимизира последиците од вирусот, меѓудругото и врз економијата – изјави Суга.
Одлуката за воведување вонредна состојба, сепак, се уште не е донесена, иако на социјалните мрежи има се повеќе повици тоа да се направи.
