Холандското воздухопловство испрати два ловци Ф-16 да го следат патнички авион на компанијата КЛМ на линијата Абу Даби-Амстердам, откако агресивен патник започнал тепачка.
„Американец стар 29 години стана агресивен, бидејќи му беше речено да седи на своето место. Следеше тепачка, а членовите на екипажот и патниците успеале да го совладаат“, изјави портпаролката на војската Џоана Хелмондс.
Во тепачката неколку патници полесно се повредени.
Авионот Ербас А330-200 доби дозвола да слета на аеродромот во Амстердам – Шипол и полицијата го уапсила насилникот кој потоа е упатен на психијатриски преглед.
Портпаролката на КЛМ Хелен Макинг рече дека холандската авиокомпанија жали поради инцидентот и дека кабинските членови постапиле согласно процедурите.
Военото воздухопловство наведе дека ловците, наоружени со проектили, не се летаат освен во исклучителни околности.
