Жена за прв пат е изгласана за претседателка на Врховниот суд во Етиопија.
Адвокатката за човекови права Маза Ашенафи била номинирана од премиерот на Етиопија, кој се залага за назначување повеќе жени на различни позиции во неговиот кабинет, од каде што изјавија дека Ашенафи ја има потребната компетентност и искуство за оваа работа.
Таа воедно е и советник за родови права во Економската комисијата на ОН за Африка, чие седиште е во главниот град на Етиопија. Ашенафи, исто така, е и основач на Здружението на жени адвокати на Етиопија.
