Здравствените власти на Белгија соопштија дека во последните 24 часа се регистрирани 1.189 нови случаи на заразени со корона вирусот во земјата.
Со тоа вкупниот број потврдени случаи се зголеми на 13.964, од кои 58 отсто се на северот на земјата, 29 отсто на југот, а 11 отсто во Брисел и околината. Два отсто од случаите се лица со резиденција во странство.
Во последните 24 часа се хоспитализирани дополнителни 560 пациенти, додека пак 436 можеле да ја напуштат болницата. Вкупниот број смртни случаи се искачи на 828, од кои 123 само во последните 24 часа, соопштија властите.
Што се однесува до капацитетот на интензивната нега на белгиските болници, засега се искористени 54 отсто.
