Бројот на смртни случаи од епидемијата на корона вирус во Италија се зголеми за 41 лице во изминатите 24 часа и достигна 148, соопшти Агенцијата за цивилна заштита. Оттаму додаваат дека заразата и понатаму не покажува знаци на намалување.
Вкупниот број на регистрирани случаи во оваа земја, која е најтешко погодена во Европа, изнесува 3.858, што е за 767 лица повеќе од вчера.
Заразата се појави пред 14 дена, главно во северниот дел на Италија, меѓутоа, моментно заболени лица има во сите 20 италијански региони.
