Цената на златото се доближи до највисокото ниво во последните осум години. Причина за таквиот пораст на цената на златото се должи на повторниот пораст на заболени со Ковид-19 во светот и сомнежот дека во скоро време ќе биде обновена економијата.
Цената на унца злато се зголеми за 0,6 проценти и се тргува за 1.778,20 долари, што е највисока од октомври 2012 година. На американските берзи, пак, цената на златото е зголемена за 0,7 отсто и унца се тргува за 1.749,30 долари.
Централните банки низ целиот свет веќе ги зголемија мерките за стимулирање, а и ги задржаа на ниско ниво каматни стапки, со цел да ги ублажат ефектите од пандемијата врз економијата.
Во такво опкружување, инвеститорите сакаат да се осигурат од зголемување на инфлацијата и пад на валутите, така што тие сè повеќе купуваат злато, чија цена годинава забележа пораст за повеќе од 16 проценти.
