Обединетите нации денес во Тунис почнаа разговори за иднината на Либија, со цел да се стави крај на речиси една деценија хаос и крвопролевање – преку одржување избори, но се уште има пречки и покрај напредокот во зајакнувањето на примирјето, изјави претставничката на ОН за Либија, Стефани Вилијамс.
Таа додаде дека се работи за најдобрата можност во последните шест години да се запре хаосот и воената состојба од 2011 година за оваа северноафриканска земја- извозничка на нафта .
Но, денеска, на церемонијата на која присуствуваше и тунискиот претседател Каис Саид, таа предупреди: Патот нема да биде поплочен со рози и нема да биде лесен.
Разговорите меѓу 75 учесници, избрани од ОН како претставници на различни политички ставови, регионални интереси и социјални групи, се одвиваат во исто време кога главните завојувани страни разговараат за тоа како да се спроведе примирјето договорено во Женева.
Од 2014 година, Либија е поделена меѓу ривалските фракции на запад, со кои управува меѓународно признатата Влада на Националниот договор (ГНА) и истокот, каде што се наоѓа Либиската национална армија (ЛНА), предводена од Калифа Хафтар.
