Човек од Далас, кој пред 18 години дрогиран ги убил својата жена, двете деца и двајца роднини, е погубен во градот Хантсвил во Тексас.
Кога почнал да пука во семејната куќа во август 2002 година, Абел Охоа бил дрогиран и барал пари за да купи уште наркотици.
Тој тогаш ги убил својата жена Сесилија (32), седумгодишната ќерка Кристал, деветмесечната ќерка Анахи, двајца роднини а уште едно лице било тешко повредени.
– Сакам да се извинам на своето семејство, на кое што му нанесов тешка емоционална болка – изјавил Охоа пред да му биде ставена смртоносна инекција, пренесе „АП“.
Охоа е второ лице кое е погубено оваа година во Тексас а трето во САД.
Уште седум погубувања се најавени во наредните месеци во Тексас.
