Во Холандија бројот на потврдени случаи на коронавирус надмина 10.000 лица, соопштија здравствените власти, додавајќи дека порастот на смртни и хоспитализирани случаи покажува знаци на забавување.
Досега починаа вкупно 771 лице.
Холандскиот Национален институт за здравје (РИВМ) соопшти дека бројот на заразени за 24 часа е зголемен за 1.104, на вкупно 10.866, што е пораст од 11 отсто.
„Како и во претходните денови, бројот на хоспитализирани пациенти и бројот на смртни случаи расте со помала брзина отколку што се очекуваше без спроведените мерки“, соопшти институтот РИВМ.
Сепак, бидејќи се тестираат претежно луѓе кои се многу болни и здравствени работници, вистинскиот број на заразени е веројатно далеку поголем, се додава во соопштението.
Холандската Влада наложи мерки за социјално дистанцирање, ги затвори училиштата и повеќето деловни субјети и забрани јавни собирања.
