Одделот за внатрешна безбедност на Европска служба за надворешно дејствување предупреди дека има стотици руски и кинески разузнавачки агенти во Брисел, пишува германскиот весник Ди Велт, цитиран од ДПА и ТАСС.
Според информациите, Службата за надворешно дејстввање проценува дека има околу 200 руски и 250 кинески агенти.
На дипломатите им се препорачува да избегнуваат одредени места, вклучувајќи популарни ресторани и кафулиња во близина на зградата на Европската комисија и седиштето на Европската служба за надворешни работи.
Според информациите, руски и кинески разузнавачки агенти главно работат во амбасадите и трговските претставништва на нивните земји, забележува ДПА.
