Торнадо го погоди Далас, најголемиот град во американската сојузна држава Тексас и остави повеќе од 100.000 домаќинства и компании без електрична енергија.
Неповолните временски услови доведоа и до откажување на летовите на аеродромите во регионот, а невремето предизвикало и голема материјална штета.
Нема информации за загинати или повредени. Во делови од населбите во Далас, полицајци и пожарникари проверуваат по домовите во каква состојба се жителите.
Седум лица успеале да се извлечат од урната зграда во северозападниот дел на Далас. Пожарникарите го пребаруваат местото за да проверат дали има настрадани.
Противпожарната служба во Далас соопшти дека примала многу повици од лица повредени од скршени прозорци во нивните домови.
Here’s a look at just some of the storm damage in #Dallas. A store is demolished, as well destruction along Harry Hines near Walnut Hill Lane. https://t.co/ziHMTvOZib#NBCDFWWeather pic.twitter.com/8I4epX2JeZ
— NBCDFW Weather (@NBCDFWWeather) October 21, 2019
