Голем број граѓани на кинескиот град Вухан, каде во 2019 година започна пандемијата на коронавирусот, излегоа на улиците да ја прослават Новата година, додека поголемиот дел од човештвото ја дочекаа Новата година во своите домови.
Фотографиите и видеата од градот, кој беше затворен поради вирусот од крајот на јануари до април минатата година, го обиколија светот.
People gathered in front of Jianghanguan museum, an old customs house in #Wuhan, to say goodbye to 2020. #HappyNewYear2021 #nouvelan2021 pic.twitter.com/eRD93P2Jji
— Héyì (@yveschrischou) December 31, 2020
Според традицијата, стотици луѓе се собраа пред старата царинска зграда, едно од најпопуларните места за новогодишната ноќ во градот. Кога стариот часовник на зградата покажа полноќ, многу луѓе пуштија балони во воздухот и посакаа среќна Нова година.
Видливо беше засиленото присуство на полицијата, а припадниците на обезбедувањето на неколку лица кои не ја носеле маската им рекле дека мора да ја стават ако сакаат да останат, пренесува Си-Ен-Ен
Happy New Year #Wuhan pic.twitter.com/2vuXYlBxPE
— NX_Wu (@ArriettyWu) December 31, 2020
Со месеци не се регистрирани случаи на коронавирус во Вухан, но неодамнешното мало зголемување на случаите на инфекција во некои кинески градови, вклучувајќи го и Пекинг, ги потсети граѓаните на Вухан дека пандемијата сè уште не е завршена.
