На интернет е објавено видео од убиството на напаѓачот кој во Лиеж Белгија уби двајца полицајци и еден случаен минувач и рани уште две лица.
Белгија нападот го истражува како терористички.
Двајцата полицајци и случајниот минувач се убиени во пукотница во центарот на Лиеж, при што се ранети уште двајца полицајци.
Напаѓачот е идентификуван како 36- годишниот Бенжамин Херман , екс затвореник, човек кој пред само неколку дена излегол од затвор.
Херман издржувал повеќе затворски казни, но не бил познат по радикализмот. Затворениците го опишале како „насилна личност“ .
Обвинителството сега истражува дали Херман се радикализирал во затворот што е чест случај во затворите во Белгија.
Мажот додека пукал викал „Алах екбер“ , при пукањето Херман киднапирал и една жена вработена во средно училиште.
Белгиското обвинителство го истражува инцидентот во кој се убиени три лица како терористички напад, соопшти попладнево , локалниот јавен обвинител.
