Свет 27. јануари 2020. / 11:03

(ВИДЕО) Најмалку 50 лица загинаа во поплавите во Бразил

(ВИДЕО) Најмалку 50 лица загинаа во поплавите во Бразил

Дводневните обилни врнежи од дожд во југоисточен Бразил предизвикаа поплави и лизгање на земјиштето, при што загинаа најмалку 50 лица, соопштија властите во земјата.

Според официјалните претставници за цивилна заштита, 17 лица се пријавени за исчезнати, додека 2.600 луѓе биле евакуирани од нивните домови во бразилската држава Минас Жeраис.

Во 99 градови е прогласена вонредна состојба. Во Бело Хоризонте, главниот град на Минас Жeраис, за 24 часа наврна 170 литри на метар квадратен, што е рекордно количество во последните 110 години.

Гувернерот на Минас Жераис, Ромеу Зема најави дека ќе ги посети погодените области за да ја процени штетата.