Каталонската и шпанската полиција ноќеска ја презедоа контролата над улиците во Барселона и другите каталонски градови и ги растераа демонстрантите кои шест часа го блокираа градот.
Синоќа дојде до најжестоки судури меѓу каталонските заговорници за независност и полицијата, откако во понеделникот беа изречени затворски казни за лидерите на Каталонија, осудени за организирање на референдумот за независност во 2017 година.
Илјадници демонстранти со знамиња на Каталонија, на петтиот ден од демонстрациите, целосно го блокираа градот.
#UPDATE Violence escalates in Barcelona after half a million separatists protest https://t.co/8w4i5ug0vW pic.twitter.com/Jpv3cwtTWs
— AFP news agency (@AFP) October 18, 2019
Шпанските власти соопштија дека се откажани 57 летови, а учесниците на протестот уште утрото ја затворија границата со Франција и најмалку 25 сообраќајници.
На улиците се забележуваше и оган, бидејќи демонстрантите ги палеа контејнерите. Полицијата возврати со гумени куршуми и солзавец. Пожарникарите во текот на ноќта ги изгасија контејнерите за ѓубре кои служеа како барикади.
Police in riot gear fired rubber bullets, and used batons and police vans to disperse a few hundred young protesters in Barcelona.
Read more here: https://t.co/62lzDl3nWe pic.twitter.com/7bBR4dmipA
— Sky News (@SkyNews) October 19, 2019
Немири имаше и во другите каталонски градови каде беа организирани протести. Брзата помош соопшти дека се повредени 89 лица, од кои 60 во Барселона.
Според последните информации, уапсени се 27 лица.
Кабинетот на каталонскиот премиер Ким Тора доцна синоќа свика итен состанок, а утрово треба да се обрати пред јавноста.
Владата на Каталонија, составена од две партии за независност, во последниве денови повикува на масовни и мирни демонстрации.
