Ерменците што живеат во градот Карвачар во Нагорно-Карабах почнаа да ги палат своите куќи по објавувањето дека некои територии во таа област му се предаваат на Азербејџан.
Жителите на Карвачар изнесуваат покуќнина, мебел и животни од своите куќи пред да го напуштат градот. На северниот пат на Нагорно-Карабах има многу автомобили, како и минибуси и камиони.
Сите светски медиуми известија за овие сцени, а кратки видео записи од истото објавија повеќе од медиумските куќи. Во прилог можете да го погледнете краткото видео на БиБиСи.
Лидерите на Русија, Азербејџан и на Ерменија, Владимир Путин, Илхам Алиев и Никола Пашинјан, на 10 ноември потпишаа заедничка изјава за целосен прекин на воените дејства во Нагорно-Карабах, потсетува порталот.
Според изјавата, дел од регионот е ставен под контрола на Азербејџан, двете страни ќе разменуваат заробеници, а руските мировници ќе бидат распоредени по должината на контактната линија и по должината на коридорот Лачин, што го поврзува Нагорно-Карабах со Ерменија.
Исто така, се планира да се отвори коридор помеѓу Азербејџан и Автономната Република Нахичеван во Ерменија.
Лидер веќе го објави договорот и истиот може да го погледнете со клик тука.
