Силна експлозија и пукање го погоди аеродромот Аден во Јемен.
Сè се случи во моментот кога слета авионот со кој се превезуваа членовите на новата јеменска влада.
Членовите на владата кои пристигнаа од Саудиска Арабија не беа повредени, бидејќи во тоа време биле во авионот. Според првите информации загинале 5 лица, а над 20 се повредени.
Новата јеменска влада треба да започне со работа денес, предводена од Моин Абдул-Малик.
Претходно, владата на Јемен положи заклетва во Ријад, каде што е претседателот на земјата, Абду Рабу Мансур Хади.
Аден е привремен главен град на Владата на Јемен, што е признаен од меѓународната заедница, по бунтот на Хутите во 2014 година.
Вистинскиот главен град на републиката, Сана, е контролиран од шиитските бунтовници, Хутите, веќе шест години.
Предупредување, содржината може да биде вознемирувачка.
Yémen: Explosion à l’aéroport d’Aden. Plusieurs victimes alors que l’aéroport accueillait les membres du gouvernement. pic.twitter.com/gRYHgymNRj
— Restitutor Orientis (@RestitutorOrien) December 30, 2020
