На аеродром во Лагос, Нигерија, човек се качил на крило од патнички авион непосредно пред полетувањето. Тој предизвикал паника меѓу патниците и секако, веднаш бил уапсен.
Драматичните снимки од авионот покажуваат како човекот се качува на работ од млазниот мотор до крилото на авионот „боинг 737“, а потоа оди кон кабината.
Man climbs onto wing of Azman Air 737 at Lagos airport as it prepares for takeoff. https://t.co/LwkjRaFsey pic.twitter.com/xXuLJXlGw8
— Breaking Aviation News (@breakingavnews) July 19, 2019
Според новинските агенции во Нигерија, авионот чекал дозвола за полетување кога човекот бил забележан како се качува на крилото, пренесува „Индипендент“.
Се посочува дека засега не е познато како човекот успеал да стигне до авионот, иако аеродромот „Муртала Мухамед“ во Лагос и претходно имал проблеми со безбедноста.
