Медицинските експерти се почесто предупредуваат дека треба да се внимава како и кога се употребуваат маските за лице и медицинските ракавици зашто тие можат да направат повеќе штета отколку добро.
Еден од тие што го предупредуваат тоа е хирургот од Велика Британија, Каран Рангарајан.
Тој направи видео преку социјалната мрежа ТикТок во кое објаснува зошто е подобро почесто да ги миете рацете.
Носите ракавици, во продавница сте, ги допирате работите, собирате бактерии. Во текот на денот допирате сè повеќе работи со истите ракавици, бактериите се насекаде, вие ги акумулирате. Сега на ракавиците има повеќе бактерии и вируси отколку ако сте ги измиле рацете секојпат – вели тој во снимката, која стана вирална.
Д-р Рангарајан предупредува дека со истите тие ракавици ненамерно може да го допрете лицето и така да ги пренесете бактериите на кожата.
Запамтете, со тие исти ракавици можете да го допрете воланот, можете случајно да го допрете лицето, пренесувајќи ги бактериите на себе. И потоа, кога ќе ги соблечете ракавиците, можеби случајно ќе ги допрете самите ракавици. Само мијте ги рацете, бидете внимателни и останете безбедни – заклучува д-р Рангараџан.
Затоа тој препорачува дека најдобрата превенција е често миење на рацете со сапун и топла вода и користење средства за дезинфекција на раце.
@dr.karanrSpread knowledge not the virus! ##staysafe ##socialdistancing ##quarantine ##ppe ##doctorsoftiktok ##edutokhealth ##gloves
