Стратешката команда на вооружените сили на Венецуела (ЦЕОФАНБ) објави дека авион со американски ознаки бил неутрализиран, откако го нарушил воздушниот простор на земјата.
ЦЕОФАНБ известува дека Обединетата команда на силите за воздушна одбрана откри авион со американски ознаки во воздушниот простор во Венецуела ноќта меѓу 7 и 8 јули и го неутрализира во согласност со законот, со помош на воени авиони – се вели во официјално соопштение објавено на Твитер.
Најавата е пропратена со снимки од соборениот авион во пламен, на кој е се гледа бројот N339AV.
?#ULTIMAHORA|| #CEOFANB informa que el @CODAI_FANB, detectó en la medianoche del #07JUL20 el ingreso de una Narcoaeronave con matrícula #EEUU a nuestro espacio aéreo y una vez aplicado el protocolo de Ley se procedió a su NEUTRALIZACIÓN con aeronaves de nuestra Aviación Militar. pic.twitter.com/6JtCVLj8bo
— @ceofanb (@Libertad020) July 8, 2020
Според податоците на сервисот „Флајтрадар“, станува збор за приватен авион марка „Хокер 800“, кој вчера извршил регистриран лет на територијата на Мексико од Толука на островот Козумел во Карипското Море во близина на источниот брег на Мексико.
Засега нема официјални информации за местото на инцидентот, стоката и екипажот, иако ваквите инциденти главно се поврзани со нелегален шверц на дрога. Вредноста на таков авион на пазарот за половни летала во просек е два милиона долари, а неговата носивост е 900 килограми.
