Администрација на претседателот Доналд Трамп соопшти дека ќе направат се за сите во Соединетите Држави да бидат вакцинирани бесплатно, објави Глас на Америка.
Сема Верма, шефица на федералните програми за здравствено осигурување, најави дека агенцијата со која раководи ќе ги покрие сите трошоци за вакцината која би била одобрена од Администрацијата за храна и лекови.
На приватните фондови за здравствено осигурување ќе им биде забрането да им наплатуваат на осигурениците каков било надоместок за вакцината.
Верма исто така изјави дека преку федералните програми ќе бидат покриени голем дел од трошоците за евентуални нови терапии за Ковид-19.
