Претседателката на Европската комисија, Урсула фон дер Лајен денеска потврди дека вакцинацијата против коронавирусот во Европската унија ќе почне на 27 декември.
– Вакцинацијата низ Европската унија ќе почне на 27, 28 и 29 декември. Ова е моментот на Европа. Заедно ги штитиме нашите граѓани. Заедно сме посилни, напиша Фон дер Лајен на Твитер.
It's Europe's moment.
On 27, 28 and 29 December vaccination will start across the EU.
We protect our citizens together. We are #StrongerTogether#EUvaccinationdays pic.twitter.com/6VxDumysBL
— Ursula von der Leyen (@vonderleyen) December 17, 2020
Повеќе европски земји, вклучително и Германија, Франција и Италија, претходно соопштија дека ќе го координираат почетокот на нивните кампањи за вакцинација против коронавирусот.
Германскиот министер за здравство Јенс Шпан денеска изјави дека сите земји-членки на ЕУ планираат да почнат вакцинација против коронавирусот на 27 декември.
