Министерот во британскиот кабинет, Мајкл Гоув, се наоѓа во самоизолација, откако појавил симптоми на Ковид-19, соопшти телевизијата ITV, а пренесува Ројтерс.
Гоув, кој е еден од најблиските соработници на премиерот Борис Џонсон, ќе продолжи да работи од својот дом, соопшти телевизијата.
Од 2017 година позицијата, што ја има Гоув е еднаква на вицепремиер.
Веста доаѓа помалку од 24 часа, откако беше соопштено дека заболениот од корона вирусот премиер Џонсон е пренесен во болница поради влошување на здравствената состојба и проблеми со дишењето.
